「日本人天生教育好好，佢哋由細到大都被教育唔會帶麻煩俾人，如果中間發生左乜嘢問題一定係你錯唔係佢哋錯，你應該檢討自己！」以上對白是不是在某些討論區的留言似曾相識？
大佬，日本係一個有一億三千萬人嘅國家，你知唔知道日本新聞每日都有話人被拘捕、每一日火車上面都有痴漢、每一日都會有各種各樣的罪案？首先日本一定會有壞人，呢一點千祈唔好唔記得。你未見過，唔代表唔存在！我問你吖，你係香港人識咁多香港朋友，你又有幾多個朋友係痴漢、罪犯、奸商啊？
工作上面如果曾經在日本公司工作，同事之間各種利益關係令到你對日本人印象不好這個可以歸入辦公室政治，和民族無關。但是你不能否認真的有遊客在日本被搶劫、被索取小費、被無禮貌對待等等行為。最可怕的是，通常香港人會第一時間說：這些人一定是中國新移民！犯罪的多數都是中國人！拜托，難道你們真的不能接受日本人都會有貪心的人存在嗎？真的不會有態度不好的人嗎？
我曾經分享過在東京一間酒店負責人「可能」由於心情不好，我才進入酒店還未登記便指着我的額頭用日語破口大罵10分鐘，說你們這些外國人有錢就不要住商務酒店、最討厭外國人訂房間放飛機、經常要求換房⋯⋯⋯ 對於這個已經失控的狂人，我為了個人安全擔心之後幾天會發生「意外」，除了不斷忍氣吞聲為這些我不認識的失格旅遊人士道歉，根本不能做什麼。這件事情經過了一年，到現在想起我依然會覺得傷心、憤怒、屈辱。
事實上是我講出這個經驗時，網上的香港人有一半以上都覺得一定是當中有誤會或暗示覺得是我的錯。也有一些會喜歡說一些偏激或者不負責任的說話，例如叫你應該罵回去、拍片，卻不會考慮一個女孩子去外地旅行如果得罪了當地人（尤其不知道人家的背景和精神狀況）可以引發什麼後果。
有位同樣喜愛日本旅遊，尤其喜愛自駕遊的網友跟我分享他的經驗：早幾年他去伊東被索取小費，他把這件事放上網分享結果沒有人相信，引起了劇烈的罵戰最後刪除帖文收場。
「一定唔係香港人啦，點睇都係新香港人，香港人唔會咁唔知醜。」以上對白係唔係又好似曾相識？
「醜化大陸人」。香港人在香港凡事都把責任推到新香港人或者大陸遊客頭上早已不是新聞。但是去到日本香港人犯錯了，都要堅持他們絕對不是香港人、香港人質素很好、大陸人影衰香港人⋯⋯這一點我覺得實在看不過眼。香港人當然會犯錯！香港人當然也嘈吵！香港人無論是一家大細還是三五知己，興奮起上嚟手舞足蹈、唔想執輸欺騙餐廳自己生日要求特別待遇、佔領好位影靚相⋯⋯你上網仲見得少咩。香港都有七百萬人口，冇公德心嘅人唔會淨係二十年嗰一百幾十萬嘅新移民啦，當中點會冇土生土長香港人？你唔係就得啦！
把所有日本人神化和所有大陸人醜化這種以偏概全的想法，早在香港網民間根深蒂固。我可以做到嘅就係奉勸大家唔好太過偏激，小心自己被網上資訊培養成懶惰思考，失去自我判斷的能力。「每一個國家都有好人壞人、人嘅品質教養唔係淨係睇國籍」，其實只是非常普通簡單的常識。
