話說人的慾望無窮無盡，有時想要的是一件物品，有時想要的可能是對方的一個動作。
當我們把想要的東西局限在物品的話，如果要開口問人拿取有時需要金錢、有時需要恥力—係所謂嘅厚面皮。
例如我依家想唔該各位大哥大姐賢弟賢妹高抬貴手俾個「Like」，用日文應該點講？
首先我哋要知道日文「Like」叫「いいね」。
首先用最簡單、大家的日本語第二課已經會出現的文型「～ください」，你老師一定有同你講佢就係唔該嘅意思。
「俾個「Like」唔該！」
「いいね！」をください！
但係我想同大家講呢個「唔該」唔代表有禮貌。你老細都成日同你講唔該加班，唔通你覺得你心裏面好舒服？
「講唔該就老馮㗎！？」所以只限於對相熟又或者唔係你上級嘅人使用。
「我想要Like！」
「いいね！」がほしい！
這個講法很多初級的學生都會使用，不過以前我初級的時候日藉老師專程提醒我哋已經咁大個人唔好成日咁露骨咁樣話想要乜乜物物，成個細路仔咁樣好樣衰。
由於之前有讀者說他容易的可能大家又唔鍾意，所以今次我會講一啲N4出現嘅文型，例如「可能形」、「いただけませんか」同「たら」。有禮貌少少叫你地俾個Like嘅講法會係：
「我可以接受你一個Like嗎？」
「いいね！」をもらえませんか。
再有禮貌啲
請問我能夠得到你的一個Like嗎？
「いいね！」をいただけませんか。
作為一個大人我們都知道有時說話要轉彎，或者我可以這樣說：
如果我能夠得到你的一個Like我會好幸福。
「いいね！」をもらったら、しあわせです。
只要把上面「いいね！」換成其他物件，用法一樣，你就知道點樣表達你想要嘅嘢了。
記住係放名詞，當然可以係人類。
想要女朋友～彼女がほしい
唔該俾個女朋友我～彼女をください
想要錢～お金がほしい
唔該俾啲錢嚟～お金をください
有禮貌嘅講法自己replace返上面啲例句啦。
——————-
日語初心者學習障礙⑥有關移動的動詞
https://www.kiri-san.com/post/22747
日語初心者學習障礙⑤時間日子什麼時候加「に」？
https://www.kiri-san.com/post/22680
日語初心者學習障礙④點講生日日子？
https://www.kiri-san.com/post/22672
日語初心者學習障礙③指示方向與位置
https://www.kiri-san.com/post/22615
日語初心者學習障礙②生活用品怎樣記！？
https://www.kiri-san.com/post/22610
日語初心者學習障礙①停在平仮名拿著表總不入腦？！
https://www.kiri-san.com/post/22502
